कोलकाता: भारतको प्रमुख सिमेन्ट उत्पादक मध्ये एक श्री सिमेन्ट लिमिटेडले आज पश्चिम बंगालको पुरुलिया जिल्लामा वार्षिक ३.० मिलियन टन क्षमताको नयाँ सिमेन्ट ग्राइन्डिङ कारखाना (एमटीपीए) उद्घाटन गरेको छ। उद्घाटन समारोहमा पश्चिम बंगालका मुख्यमन्त्री ममता ब्यानर्जी उपस्थित थिइन्, जसको दूरदर्शी नेतृत्वले यस उपलब्धिलाई सहज बनाउन महत्वपूर्ण भूमिका खेलेको छ। कम्पनीको पूर्ण स्वामित्वमा रहेको सहायक कम्पनी श्री सिमेन्ट इस्ट प्राइभेट लिमिटेडले नयाँ अत्याधुनिक कारखाना स्थापना गरेको हो। आन्तरिक स्रोतबाट श्री सिमेन्टको पूर्ण लगानीमा रु ५५० करोडको कुल लगानीमा कारखाना स्थापना गरिएको हो। कारखानाले तोकिएको समयमा उत्पादन शुरु गरेको हो। यो श्री सिमेन्ट समूहले पछिल्लो समय घोषणा गरेका धेरै नयाँ लगानीहरूमध्ये एक हो। यस सुविधाको लागि क्लिंकर छत्तीसगढको बालोदा बजार जिल्लामा रहेको श्री सिमेन्टको सिमेन्ट युनिटबाट सेवा दिइनेछ।

उद्घाटनलाई सम्बोधन गर्दै पश्चिम बंगालका मुख्यमन्त्री ममता ब्यानर्जीले भनिन्, “म श्री सिमेन्ट लिमिटेडलाई यो उपलब्धि र नयाँ कारखानामा उत्पादन सुरु गरेकोमा बधाई दिन्छु। यो महत्त्वपूर्ण लगानीले हाम्रो राज्यको औद्योगिक परिदृश्यलाई मात्र बलियो बनाउँदैन, तर विकासको सम्भावना पनि देखाउँछl’ यस अवसरमा बोल्दै श्री सिमेन्ट लिमिटेडका अध्यक्ष हरि मोहन बांगुरले भने, “पुरुलियामा हाम्रो नयाँ सिमेन्ट ग्राइन्डिङ कारखानाको उद्घाटन गर्न पाउँदा मलाई खुशी लागेको छ, जसले पश्चिम बङ्गालको द्रुत बृद्धि हुने बजारमा हाम्रो उपस्थितिलाई बलियो बनाउन हामी कटिबद्ध छौंl यो नयाँ इकाईले पश्चिम बङ्गाल र झारखण्ड राज्यबाट सिमेन्टको बढ्दो मागलाई पूरा गर्न श्री सिमेन्टलाई रणनीतिक फाइदा दिनेछ। यो सुविधाले आफ्ना ग्राहकहरूलाई सिमेन्ट आपूर्तिलाई अझ राम्रोसँग पङ्क्तिबद्ध गर्न र पूर्वी भारतको द्रुत रूपमा बढ्दो बजारमा आफ्नो बजार हिस्सा बढाउन मद्दत गर्नेछl’’  

यो नयाँ कारखानामा श्री सिमेन्टले जर्मनीको अत्याधुनिक प्रविधिबाट मेसिनरी अपग्रेड गरेको छ। यसले भारतमा श्री सिमेन्टको कुल सिमेन्ट उत्पादन क्षमता प्रतिवर्ष ५ करोड टन (एमटीपीए) पुग्छ। श्री सिमेन्ट निकट भविष्यमा ८० एमटीपीए उत्पादन क्षमता पार गर्न प्रतिबद्ध छ। पश्चिम बंगालमा नयाँ कारखानाको साथ, कम्पनीले अब भारतमा १५ सिमेन्ट उत्पादन एकाइहरू सञ्चालन गर्दछ।