सिलगढी: सिलगढीबाट चोरी भएको बोलेरो गाडी प्रधान नगर थाना पुलिसले बिहारको गलगलियाबाट उद्धार गरेको छ। यसको साथै बोलेरो चोरी गरेको आरोपमा दुईजना युवकलाई पक्राउ गरेको छ। पक्रा पर्नेहरूमा निमा छिरिङ शेर्पा र मुकेश विश्वकर्मा सामेल छन्।पुलिस सूत्रले दिएको जानकारी अनुसार, गत केही दिन अघि सिलगढीको गुरुङ बस्तीस्थित वीर जवान मोड़ संलग्न इलाकाबाट एउटा बोलेरो गाड़ी चोरी भएको थियो। यसपछि थानामा यसबारे लिखित अभियोग दर्ता गरिएको थियो। पुलिसले मामिलाको जाँच गर्दै चोरी भएको केही घण्टाको अवधिमा नै उक्त बोलेरो गाड़ी बिहारको गलगलियाबाट उद्धार गर्नको साथै दुईजनालाई पक्राउ गरेको थियो। पुलिसले आज पक्रा परेका दुवै आरोपीलाई सिलगढी अदालतमा पेश गऱ्यो।