सिलगढी: देशभर सातौं रोजगार मेला आयोजना हुँदैछ। सोमबार देशका अन्य ठाउँहरू बाहेक यो रोजगार मेला सिलगढी नजिकैको राधाबारी बीएसएफ क्याम्पमा पनि आयोजना गरिएको छ। केन्द्र सरकारको यस परियोजनाको कार्यक्रममा राधाबारी बीएसएफ क्याम्पमा केन्द्रीय मन्त्री शान्तनु ठाकुर उपस्थित थिए। कार्यक्रमको अन्त्यमा पत्रकारहरूलाई सम्बोधन गर्दै शान्तनु ठाकुरले प्रधानमन्त्रीको नेतृत्वमा भारतभर यो रोजगार मेला हुन लागेको बताए। आज देशभरका ४५ स्थानमा शिविर मार्फत युवाहरूलाई भर्ना पत्र हस्तान्तरण गरिएको छ। स्रोतका अनुसार राधाबारी बीएसएफ क्याम्पमा भएको रोजगार मेलामा २७१ जनालाई नियुक्ति पत्र दिइएको थियो।

केन्द्रीय मन्त्री शान्तनु ठाकुरले सिलगढीमा एक नाबालिग बालिकाको हत्याको मामिलामा राज्य सरकार र सत्तारुढ दलको कडा आलोचना गरे। पत्रकारसँग कुरा गर्दै उनले आफू मणिपुरको कुरा गरिरहेको तर यहाँ युवतीमाथि दुव्र्यवहार र बलात्कार भइरहेको थाहा नभएको बताए। उनले राज्यमा लोकतन्त्र खतरामा परेको समेत टिप्पणी गरे। उनले विपक्षी भारतको गठबन्धनमाथि पनि आलोचना गरेका छन्। उनले यो गठबन्धनको कुनै राम्रो नियत नभएको, सरकार ढाल्ने मात्रै रहेको बताए। उनले आगामी दिनमा भाजपा फेरि सत्तामा आउने र देशको चौतर्फी विकास गर्ने बताए।