सिलगढ़ी: तृणमूल छात्र परिषद (टीएमसीपी) को स्थापना दिवस भोली छ। स्थापना दिवसको अवसरमा कोलकातामा समावेशमा सामेल हुन तृणमूल कांग्रेसका नेता र कार्यकर्ता सिलगढ़ीदेखि आइतवार प्रस्थान भएका छन्।

सिलगढ़ी टाउन ब्लक-३ आईएनटीटीयूसी एनजेपी शाखाले समावेशमा सामेल हुन जाने नेता र कार्यकर्ताहरूको निम्ति एनजेपी स्टेशनमा सहायता केन्द्र खोलेको छ। जहाँ सबैको निम्ति खाने-पिउने व्यवस्था गरियो।

यस अवसरमा दार्जीलिङ जिल्लाकी अध्यक्ष पापिया घोष, टीएमसीपीका दार्जीलिङ जिल्ला अध्यक्ष तनय तालुकदार, आईएनटीटीयूसी अध्यक्ष सुजय सरकार, दार्जीलिङ जिल्ला तृणमूल कांग्रेसका महासचिव मदन भट्टाचार्य, महिला तृणमूल कांग्रेसकी अध्यक्ष मिल्ली सिन्हा सहित अन्य उपस्थित थिए।