कोलकाता: पाकिस्तानलाई गुप्तचर सैन्य सूचना पठाएको आरोपमा कोलकाताबाट एसटीएफले एक संदिग्धलाई पक्राउ गरेको छ। आरोपी बिहारको दरभंगाका बासिन्दा रहेको बताइएको छ। सुचना दिएको अभियोगमा भक्तवंशी झा नाम गरेका अभियुक्तलाई शुक्रबार पक्राउ गरिएको छ। घटना हनी ट्र्यापको बताइन्छ। आरोपी सामाजिक सञ्जालमार्फत पाकिस्तानी युवतीसँग सम्पर्कमा आएका थिए। उनले आफ्नो नाम आरुषि शर्मा बताएकी छन्। फेसबुकको मित्रता बिस्तारै मायामा परिणत भयो। त्यसपछि पाकिस्तानी युवतीले अडियो र भिडियो कलमार्फत आरोपीसँग अश्लील कुरा गरेको समाचारमा बताइएको छ। एजेन्टले आफ्नो बाबु भएको दाबी गर्दै एक व्यक्तिलाई भारतमा भेट्न आग्रह गरेका थिए। अभियुक्तले पाकिस्तानी एजेन्टका कथित बाबुलाई पनि भेटे र उनको लागि सिम कार्ड किने।

प्रारम्भिक अनुसन्धानको क्रममा पुलिसले आरोपीको मोबाइलबाट धेरै तस्वीरहरू, भिडियोहरू र अनलाइन च्याटहरू सहित धेरै जानकारी फेला पारेको छ, जुन उसले पाकिस्तानमा रहेको एक संदिग्ध गुप्तचर ह्यान्डलरलाई पठाएको थियो। पुलिसले आरोपीविरुद्ध मुद्दा दर्ता गरेको छ। एसटीएफले आईपीसीको धारा १२०बी अन्तर्गत कारबाही गरेको छ। आरोपीलाई कोलकाताको सीएमएम अदालतमा पेश गरिनेछ।