दार्जिलिङ: हिमालयन ट्याक्सी को-अर्डिनेटर कमिटीले बन्दलाई समर्थन नगर्ने भएको छ। ८५ वटा ट्याक्सी सिन्डिकेटहरू रहेको हिमालयन यातायात समन्वय समितिले हाम्रो पार्टी, गोर्खा जनमुक्ति मोर्चा र क्रामाकपा जस्ता विभिन्न राजनीतिक दलले आह्वान् गरेको २४ घण्टा बन्दलाई समर्थन नगर्ने निर्णय गरेको छ। आज दार्जिलिङके प्रेस गिल्डमा पत्रकार सम्मेलन बोलाएर हिमालयन ट्रान्सपोर्ट को-अरडिनेशन कमिटीको अध्यक्ष एसएन प्रधानले मतिगढ़ा घटनाको भर्त्सना गर्दै हत्याराले फाँसीको सजाय पाउनु पर्ने मांग गरेका छन्। उनले दोषी पक्राउ परेको र अदालतले फैसला गर्ने बताए। उनीहरुले घटनाको निन्दा गर्दै दोषीलाई फाँसी दिन माग समेत गरेका छन्। उनले थपे कि बीजीपीएमका अध्यक्ष अनित थापाले पनि सिलगढीमा पुलिस आयुक्तलाई भेटेर न्याय दिन आग्रह गर्दै विभिन्न विरोध प्रदर्शनहरू भइरहेका छन्। उनले कोभिडले पहिले नै जनजीवन अवरुद्ध भएको भन्दै हडताल गर्न नहुने बताए। कमिटीले दार्जिलिङमा भएको घटनाको विरोधमा मौन र्‍याली गर्ने निर्णय पनि गरेको छ। तर बन्दलाई समर्थन नगर्ने पनि बताएका छन्।