कोलकाताः जादवपुर यूनिवर्सिटीको प्रथम वर्षको छात्रको मृत्युमा पूरा बंगालमा हो-हल्ला भइऱहेछ। यहीबीच बिहिवार एसएसकेएम अस्पतालको होस्टलको शौचालयबाट नर्सिङ छात्राको शव उद्धार गरिएको छ। द्वितीय वर्षको छात्राको शव झुण्डेको पाइयो जबकि शरीरका अन्य अंगहरूबाट रगत बगिरहेको थियो। पुलिस सूत्रहरू अनुसार, मृत छात्राको नाम सुतपा कर्माकर हो। उनी उत्तर दिनाजपुरको रायगंजमा बस्थिन्। सूचना पाएपछि पुलिसको टीम यसको जाँचमा जुटेको छ।

जानकारी अनुसार, नर्सिङ छात्रा लिटन होस्टलमा बस्थिन्। छात्रावासका अन्य निवासीहरूको दाबी छ, छात्रालाई आज बिहानदेखि नै देखिएको थिएन। केही बेर खोजेपछि नर्सिङ छात्रा होस्टलको शौचालयमा फन्दाबाट झुण्डेको फेला परिन्। जाँचपछि चिकित्सकहरूले उसलाई मृत घोषित गरे। केही निवासीहरूले दाबी गरे, छात्रालाई आंशिक रूपमा झुण्डेको पाइएको थियो। शरीरमा रगतको थोपा र रगत बगेको पुष्टि भएपछि पुलिसले अस्वाभाविक मृत्युका साथै हत्याको सम्भावनालाई खारेज गरेको छैन। घटनाको जाँच शुरू गरिएको छ। सीसीटीभी फुटेजको जाँच भइरहेछ।

-हिस