कोलकाता: राज्यमा एन्टि र्‍यागिङ हेल्पलाइन नम्बर जारी गरिएको छ। यस नम्बरमा फोन गरेर र्यागिङको उजुरी दर्ता गरिनेछ। उजुरी दिने व्यक्तिको परिचय गोप्य राखिनेछ। मुख्यमन्त्री ममता ब्यानर्जीले मंगलबार नेताजी इन्डोर स्टेडियमबाट यो एन्टि र्‍यागिङ हेल्पलाइन नम्बर जारी गरिन्। मुख्यमन्त्रीले जादवपुर विश्वविद्यालयको घटनाबाट पाठ सिकेर र्‍यागिङ नियन्त्रणका लागि हेल्पलाइन नम्बर खोल्न लागिएको बताइन्। उल्लेखनीय छ, जेयूमा कथित र्‍यागिङका कारण एक विद्यार्थीको मृत्यु भएको छ। यहाँ स्नातक प्रथम वर्षमा अध्ययनरत एक विद्यार्थीको यही महिनाको शुरुमा दोस्रो तलाको बालकनीबाट खसेर मृत्यु भएको थियो। यस सम्बन्धमा विश्वविद्यालयका १३ पूर्व र वर्तमान विद्यार्थीलाई पक्राउ गरिएको छ।