कोलकाताः जादवपुर विश्वविद्यालयमा बंगाली विभागको प्रथम वर्षको छात्र स्वप्नदीप कुन्डूको मृत्युको जाँच गरिरहेको पुलिसले धेरै महत्वपूर्ण तथ्यहरू हासिल गरेको छ। मामिलामा पक्रा परेका पूर्व छात्र सौरभ चौधरी समेत सबै १२ आरोपितहरूको मोबाइल फोनको डिलिट डाटालाई रिकवर गरिएको छ। जाँचमा सामेल एक अधिकारीले नाम उजागर नगर्ने शर्तमा भने, आज यी सबै आरोपितहरूलाई एक पल्ट फेरि कोर्टमा पेश गरिनेछ। यसका साथै उनीहरूको मोबाइलबाट जुन डिलिट भएका डाटा हासिल भएको छ, त्यसलाई पनि कोर्टमा पेश गरिनेछ।

वस्तुतः पक्रा परेका छात्रहरूले आफ्नो फोनबाट धेरै मेसेज, फोटो र कल डिलिट गरेका थिए। यसमध्ये केही फोटोहरू मर्नअघि स्वप्नदीपलाई निर्वस्त्र गरी घुमाइनुसित पनि सम्बन्धित छ। यी तमाम चीजहरूलाई आज कोर्टमा पेश गरिनेछ। उल्लेख्य, ०९ अगस्त राति स्वप्नदीपको साथ होस्टलमा ऱ्यागिङ भएको थियो र उसको लुगा खोलेर घुमाइएको थियो। मुख्यमन्त्री ममता ब्यानर्जीले वामपन्थी छात्र संगठनसित जुड़ेका छात्रहरूले उसको हत्या गरेको आरोप लगाएकी छन्।

-हिस