गान्तोक: सिक्किम राज्य कानूनी सेवा प्राधिकरणले राष्ट्रिय कानूनी सेवा प्राधिकरणको सहयोगमा मानसिक रूपमा असक्षम व्यक्तिहरूलाई कानूनी सेवा योजना, २०१५ अन्तर्गत हितधारकहरूको सेवाका लागि राज्य स्तरको मानसिक स्वास्थ्य कार्यक्रम आयोजना गर्यो। कार्यक्रम सिक्किम न्यायिक एकाडेमी गान्तोकमा सम्पन्न भएको हो। कार्यक्रमको अध्यक्षता सिक्किम उच्च न्यायावयका मुख्य न्यायधीश न्यायमूर्ति विश्वनाथ सोमद्दरले गरेका थिए। आयोजक संस्थाकी प्रमुख संरक्षक न्यायमूर्ति मीनाक्षी मदन राई विशिष्ट अतिथिका रुपमा उपस्थित थिइन्। कार्यकारी अध्यक्ष भास्कर राज प्रधान, पनि विशिष्ठ अतिथिका रुपमा उपस्थित थिए। मनोचिकित्सक डा. सत्यजित ऐशले लत र जेरियाट्रिक साइकोलोजी विषयमा प्रकास पारेका थिए। उनले सिक्किम सबैभन्दा धेरै रक्सी प्रयोगकर्ताको रुपमा अघि आएको राज्य रहेको उल्लेख गर्दै यसको दुरुपयोगमा, साइकोएक्टिभ रसायनहरूले संवेदी अनुभवहरूलाई बदल्ने बताए। डिटोक्सिफिकेशन र पारिवारिक उपचारको माध्यमबाट लागूपदार्थ दुरुपयोगको उपचारबारे पनि जानकारी गराए। उऩले ज्येष्ठ नागरिकको मानसिक स्वास्थ्यमा असर पार्ने शारीरिक, चिकित्सा, मनोवैज्ञानिक, भावनात्मक, सामाजिक, कानुनी र आर्थिक जस्ता विषयमा पनि जानकारी गराए। उनले कानून प्रवर्तन एजेन्सी र न्यायपालिकाको भूमिकाको बारेमा बताए। उनले यौन दुव्र्यवहारमा परेका बालबालिकाका अभिभावक र अभिभावकमा पर्ने मानसिक असरबारे पनि प्रकाश पारे। उनले किशोरकिशोरीहरुको मनोविज्ञान सम्बन्धि पारिवारिक र सामाजिक, शरिरमा हुने हर्मोन परिवर्तन र अहिले किशोरकिशोरीहरुको मानसिक स्वास्थ्य कमजोर हुनुको प्रमुख कारकका रुपमा रहेको सामाजिक सञ्जाल जस्ता विभिन्न कारणले निम्त्याउन सक्ने मनोविज्ञानका बारेमा प्रष्ट पारे। कार्यक्रममा न्यायिक अधिकारीहरू, मनोनीत वरिष्ठ अधिवक्ताहरू, बाल कल्याण समितिहरू र बाल न्याय बोर्डका सदस्यहरू, वृद्धाश्रमका इन्चार्जहरू र सल्लाहकारहरू, डिटोक्सिफिकेशन र पुनर्स्थापना केन्द्रहरू र महिला तथा बाल विकास विभाग र समाज कल्याण विभागका अधिकारीहरू, स्वास्थ्य र परिवार कल्याण विभागका मेडिकल अफिसरहरू, पुलिस अधिकारीहरू, स्कूलहरूका प्रधानाध्यापकहरू, जेलका अधिकारीहरू र सिक्किमको लोक अदालत बेन्चका अधिवक्ताहरू सहभागी थिए।