सिलगढी: रोहिणी हुँदै सिलगढी र दार्जिलिङको बीचमा चल्ने धेरै संख्यामा सरकारी बसहरूले पहाडमा साना कार चालकहरूलाई नोक्सान पुर्‍याइरहेका छन्। यस्तो आरोप लगाएर साना गाडी चालकहरूको सङ्गठन तराई चालक संघ पनि आन्दोलनमा उत्रिएको हो। सोमबार बिहान सिलगढीको दगापुर मैदानबाट विरोध र्‍याली निकालिएको थियो। यस दिन दगापुर मैदानबाट सुरु भएको जुलुस महकुमा शासकको कार्यालय पुगेर चालकको माग सम्वन्धी ज्ञापनपत्र महकुमा शासकलाई बुझाइएको थियो।

संगठनका सचिव महबूब खानले रोहिणी रोडमा दैनिक धेरै सरकारी बस गुड्ने बताए। फलस्वरूप, दार्जिलिङ र सिलगढीको बीचमा आवतजावत गर्ने साना सवारीका चालकहरूले बसको कारण साना सवारीसाधनमा चढ्न नपाउँदा समस्या भोग्नुपरेको छ। बस रोहिणी रोडबाट नचलाउनुपर्ने संगठनको माग छ। अर्कोतर्फ कार चालक संघको विरोधका कारण बिहानैदेखि दार्जिलिङ र सिलगढीबीच साना गाडीको आवागमन रोकिएको छ।