जलपाइगढी: निर्माणाधीन सेप्टिक ट्याङ्कीको शटर खोल्ने क्रममा ट्याङ्कीभित्र पसेर दुई मिस्त्रीको मृत्यु भएको छ। यो दर्दनाक दुर्घटना मल ब्लकको तेशिमला ग्राम पञ्चायत अन्तर्गत गुबाडी क्षेत्रमा आइतबार भएको हो। मृत्यु हुनेको नाम अमिनुल इस्लाम (२७) र शाहिद अहमद (२०) रहेको छ। मृतक दुवै युवा दाजुभाई हुन्। उनीहरू एउटै घरमा बस्थे। स्थानीय स्रोतका अनुसार यस दिन दुवै दाजु स्थानीय घरमा सेफ्टी ट्याङ्कीको शटर खोल्न गएका थिए। करिब एक महिनाअघि उनले सटरिङ लगाएका थिए, सोही दिन सेफ्टी ट्याङ्कीको ढक्कन खोलेर तल निस्कने क्रममा जेठा भाई लापरवाहीले तल खसेका थिए। उठाउँदै गर्दा कान्छो भाई पनि ढले।

ट्याङ्कीभित्र पानी र ग्यास जम्मा हुँदा दुई जनाको मृत्यु भएको हो। यो घटनाले क्षेत्रमा सनसनी फैलिएको छ। खबर पाएलगत्तै मालबजार दमकल र माल स्टेशनको पुलिस घटनास्थलमा पुगेका थिए। त्यसपछि पम्पको सहायताले पानी बाहिर निकालेर दुवैलाई उद्धार गरी माल सुपर स्पेशलिटी अस्पतालमा ल्याइएकोमा ड्युटीमा रहेका चिकित्सकले मृत घोषणा गरेका थिए। पुलिसले शवलाई पोष्टमार्टमका लागि पठाएको छ। यो दु:खद घटनाका कारण क्षेत्र शोकमा डुबेको छ।