कोलकाताः जादवपुर विश्वविद्यालयमा बांग्ला विभागको प्रथम वर्षको छात्र स्वप्नदीप कुन्डूको मृत्यु मामिलामा होस्टल अधीक्षकले पुलिस सोधपुछमा छक्का पार्ने खुलासा गरेका छन्। होस्टल अधीक्षक द्वीपायन दत्तले पुलिस सोधपुछमा होस्टलमा छात्रहरूको साथ खूबै ऱ्यागिङ हुनेगर्थ्यो र विश्वविद्यालय प्रबन्धनलाई यसको पूरा जानकारी रहेको स्वीकार गरेका छन्। यद्यपि, यसलाई रोक्ने कुनै कारबाही गरिएन। उनले होस्टलमा व्याप्त नशालाई लिएर पनि खुलासा गरे। होस्टलमा सीनियर्सको दबदबा थियो, यहाँ गांजा मदिरा अफीम चरसको जमेर नशा गरिन्थ्यो, उनले दाबी गरे।

होस्टलमा जब नयाँ छात्र आउथ्यो तब सीनियर्ससित उसको परिचय गराइन्थ्यो। यस अवधि छात्रहरूको लुगा पनि खोलिन्थ्यो। उनले दाबी गरे, अधिकारीहरूलाई होस्टलमा ऱ्यागिङ र मदिरा पार्टीहरूको जानकारी थियो। अधीक्षकले पुलिसलाई बताए, दिनरात यहाँ यस प्रकारका घटनाहरू हुनेगर्थे र यसबारे जब अधिकारीलाई जानकारी दिइन्थ्यो तब कुनै मद्दत पाइन्थेन।

-हिस