दार्जिलिङ: लोकसभा चुनावअघि एकपटक छुट्टै राज्यको माग उठ्न थालेको छ। उत्तर बङ्गालका धेरै गोर्खा, कामतापुरी र जनजाति संगठन छुट्टै राज्यको माग गर्न एकजुट हुन थालेका छन्। गोर्खा जनमुक्ति मोर्चाको केन्द्रीय कार्यालयमा हालै कामतापुर प्रगतिशील पार्टी (केपीपी)का शीर्ष नेताहरु जय बिरसा मुण्डा उलगुलान र गोर्खा जनमुक्ति मोर्चाका शीर्ष नेताहरुबीच बन्द कोठा बैठक भएको कामतापुर प्रगतिशील पार्टीका केन्द्रीय प्रचारसचिव सन्तोषकुमार बर्मनले जानकारी दिए। यस महत्वपूर्ण बैठक चार–पाँच घण्टासम्म चलेको बैठकको अन्त्यमा कम्तापुरी, गोर्खा र उत्तर बङ्गालका जनजाति सङ्गठनका शीर्ष नेतृत्वले छुट्टै राज्यको मागका लागि एकजुट भएर आन्दोलन गर्ने सहमति गरेका छन्। बैठकमा केपीपीका अध्यक्ष अधीरचन्द्र राई, उपाध्यक्ष बुढारु राई, प्रचार सम्पादक सन्तोषकुमार बर्मन, सहसम्पादक मनोवेन्द्र रोय, केन्द्रीय समिति सदस्य पुलिन रोय, राजोन रोय, पुष्पजित रोय लगायत वरिष्ठ नेताहरुको उपस्थिति रहेको थियो। गोर्खा जनमुक्ति मोर्चाका तर्फबाट अध्यक्ष विमल गुरुङ, महासचिव रोशन गिरी, केन्द्रीय समिति संयोजक द्विपेन्द्र निराला, गोर्खा युवा समितिका अध्यक्ष रमन राई, जोय बिरसा मुण्डालगायत शीर्ष नेताहरुको उपस्थिति रहेको थियो। बैठकमा गोर्खा, जनजाति, कामतापुरी सङ्गठनका सबै अगुवाहरूले उत्तर बङ्गालमा छुट्टै राज्य बनाउने हो भने एक हुन पर्नेमा गर्न सर्वसम्मतिले सहमति जनाएका छन्। त्यसैले उनीहरुले केन्द्र सरकारको लामो समयदेखि भइरहेको शोषणविरुद्ध एकजुट भएर आन्दोलन गर्ने अन्तिम निर्णय गरेका छन्। प्रदेशको नामकरणलाई लिएर गोर्खा, कामतापुरी र जनजाति संगठनबीच कुनै विवाद छैन। उनीहरुको एउटै लक्ष्य छुट्टै राज्य बनाउने हो। यी नेताहरूले लोकसभा चुनावअघि उत्तर बंगालमा छुट्टै राज्यको वकालत गरेका थिए।