आज कोरोनाको २० नयाँ मामिला, ८ जना भए कोरोनामुक्त, १ जनाको मृत्यु

गान्तोक: आज राज्यमा कोरोनाको २० वटा नयाँ मामिला अघि आएको र ८ जना कोरोनामुक्त भएर सामान्य जीवनमा फर्किएको राज्य स्वास्थ्य विभागद्वारा जारी गरिएको रिपोर्टमा उल्लेख गरेको छ। आज यो रोगले १ जनाको मृत्यु पनि भएको विभागले जनाएको छ।

स्वास्थ्य विभागले जानकारी गराए अनुसार हिजो कूल १६४ जनाले कोरोना जाँच गरेकोमा, पूर्व सिक्किमबाट १७ जनामा, दक्षिण सिक्किमबाट २ जनामा र उत्तर सिक्किमबाट १ जनामा कोरोना संक्रमणको पुष्टि भएको छ। विभागले जारी गरेको कोरोनाको आंकडा अनुसार हाल राज्यमा उपचारधीन रहेका कोरोना रोगीहरूको संख्या बढ़ेर ५९ पुगेको छ। राज्यमा आज कोरोना सकारात्मकता दर १२ प्रतिशत दर्ता भएको छ। 

अहिलेसम्म राज्यमा ३८,०१३ जना यस रोगलाई जितेर स्वास्थ्य लाभ लिइरहेका छन् भने वर्ष २०२० देखि अहिलेसम्म ३९,२८४ जना कोरोना संक्रमित बनिसकेका छन्। हालसम्म यस रोगको कारण हालसम्म ४५५ जनाको मृत्यु भइसकेको छ।