इंग्ल्याण्डका भारतीय अर्बपति निर्मल सेठियाले यो सुन्दर केतली डिजाइन गरेका हुन्। २०१६ मा, गिनिज वर्ल्ड रेकर्ड्सद्वारा यसलाई संसारको सबैभन्दा महँगो केतलीको रूपमा मान्यता दिइएको थियो। यो केतलीको नाम ‘द इगोइस्ट’ हो। गिनिज वर्ल्ड रेकर्डका अनुसार चिया व्यापारीहरूले विश्वको उत्कृष्ट चियालाई श्रद्धाञ्जली दिन एउटा केतली बनाउन चाहन्थे, त्यसैले यो केतली निर्माण गरिएको हो। यसलाई निर्मल सेठियाको कम्पनी न्यूबी टिजले प्रायोजन गरेको थियो ।

केतली बनाउन धेरै महँगो र विलासी रत्नहरू प्रयोग गरिएको छ। लगभग हरेक कुनामा हीरा जडित छन्। जसले यसको सौन्दर्यलाई थप निखार्छ। यसको ह्यान्डल मोल्डेड म्यामथ हात्तीको दाँतबाट बनाइएको हो। यसको ह्यान्डल हात्तीको दाँतबाट बनेको विज्ञहरू बताउँछन्। सुनको केतलीको आधार १८ क्यारेट सुनले ढाकिएको छ। इटालियन जौहरी फुल्वियो स्काभियाले केतलीको आधार डिजाइन गरेका थिए। शरीरमा १६५८ हीराहरू, ३८६ प्रामाणिक थाई र बर्मी माणिकहरू जडिएका छन् जसले बाहिरी भागमा रातो रङ थप्दछ। केन्द्रमा शोस्टपर ६.६७ क्यारेट थाई रुबी हो। सन् २०१६ मा ‘द इगोइस्ट’ को मूल्य ३ मिलियन डलर (लगभग २४.८ करोड रुपियाँ) अनुमान गरिएको थियो। अर्कोतर्फ, ९ अगस्तमा गिनिज वर्ल्ड रेकर्डको आधिकारिक ह्यान्डलबाट यसको तस्बिरहरू ट्वीट गरिएको थियो। यसपछि यो केतलीले फेरि जनताको ध्यान आकर्षण गरिरहेको छ।