१० अगस्तः दार्जीलिङ गोर्खा हिल स्पोर्ट्स एसोसिएशनको तत्त्वावधानमा आयोजित प्रतिष्ठित हर्ली मेमोरियल च्यालेञ्ज कप फूटबल टुर्नामेण्टको १०६औं संस्करणमा घूम-जोरबंग्लो स्पोर्टिंग क्लबले सेमिफाइनलमा स्थान बनायो। दार्जीलिङको लेबोंग स्थित गोर्खा स्टेडियममा बिहीवार खेलिएको दिनको दोस्रो म्याचमा घूम-जोरबंग्लो एससी-ले युनाइटेड खरसाङ फूटबल क्लब (यूकेएफसी)-लाई २-०-ले पराजित गऱ्यो। विजेता टीमबाट विनोद केसी र बिकल लिम्बुले गोल गरे। यस म्याचमा अशोक कुमार रोय मुख्य रेफरी रहेका थिए।

यसरी सहायक रेफरीको भूमिकामा प्रणय साहा र सुब्रतो धर रहेका थिए। यस साल टुर्नामेण्टमा १४ वटा टीमले हिस्सा लिएको छ। टुर्नामेण्टको पहिलो दिन दुईवटा म्याच खेलिनेछ। दुईवटा सेमिफाइनल १३ अगस्तमा हुनेछ। यसरी फाइनल १५ अगस्तमा खेलिनेछ।