१० अगस्तः दार्जीलिङ गोर्खा हिल स्पोर्ट्स एसोसिएशनको तत्त्वावधानमा आयोजित प्रतिष्ठित हर्ली मेमोरियल च्यालेञ्ज कप फूटबल टुर्नामेण्टको १०६औं संस्करणमा १०७ टेरिटोरियल आर्मी (टीए)-ले सेमिफाइनलमा स्थान बनायो। दार्जीलिङको लेबोंग स्थित गोर्खा स्टेडियममा बिहीवार खेलिएको दिनको पहिलो म्याचमा १०७ टेरिटोरियल आर्मीले दिलाराम फूटबल क्लबलाई २-०-ले पराजित गऱ्यो। विजेता टीमबाट सौरभ तामाङ र कप्तान वांगदेन तामाङले गोल गरे।

यस म्याचमा सुब्रतो धर मुख्य रेफरी रहेका थिए। यसरी सहायक रेफरीको भूमिकामा प्रणय साहा र अशोक कुमार रोय रहेका थिए। यस साल टुर्नामेण्टमा १४ वटा टीमले हिस्सा लिएको छ। टुर्नामेण्टको पहिलो दिन दुईवटा म्याच खेलिनेछ। दुईवटा सेमिफाइनल १३ अगस्तमा हुनेछ। यसरी फाइनल १५ अगस्तमा खेलिनेछ।