कोलकाता: भारतमा ५ अक्टोबरदेखि शुरु हुने आईसीसी वनडे वर्ल्ड कपअघि कलकत्ताको ऐतिहासिक ईडन गार्डन्स स्टेडियममा आगो लाग्यो। यो घटना बुधवार राति भयो। स्टेडियम प्रबन्धनले तुरन्तै अग्निशमन विभागलाई सूचित गर्दा आगोलाई समयमै नियन्त्रित गरियो। ड्रेसिंग रूममा फल्स सीलिंगमा शर्ट सर्किटले गर्दा आगो लागेको जान्नमा आएको छ। स्टेडियम नवीनीकरणको निम्ति आयोजन स्थलमा काम गरिरहेका मानिसहरू आगोले गर्दा चिन्तित भए। यसैकारण फायर स्टेशनले आगो निभाउनको निम्ति दुईवटा इञ्जिन तैनाथ गऱ्यो। बंगाल क्रिकेट एसोसिएशनका सचिव देवब्रत दास स्थितिको आकलन गर्न स्थलमा पुगे अनि यस दुर्घटनापछि कसैको लापरवाही छ या छैन भन्ने पत्तो लगाउन जाँच गरिने जानकारी दिए। वर्ल्ड कप नजिकै रहेको हुनाले यस दुर्घटनाले स्टेडियम प्रबन्धनको चिन्ता चाहिँ अवश्यै बढ़ाएको छ।

यसबीच अन्तर्राष्ट्रिय क्रिकेट परिषद (आईसीसी)-का प्रतिनिधिहरूले स्टेडियमको नवीनीकरण कार्यको प्रगतिमाथि सन्तोष व्यक्त गरेका छन्। यसबाहेक ईडन गार्डन्समा भइरहेको दुर्घटनाहरूले गर्दा आउँदो महिना आईसीसीको प्रतिनिधिहरूले अझ एकपल्ट निरीक्षण गर्ने सम्भावना छ। उल्लेखनीय छ, ईडन गार्डन्समा वर्ल्ड कपको पाँचवटा म्याच हुनेछ। यसमा १६ नोभेम्बरमा खेलिने दोस्रो सेमिफाइनल पनि सामेल छ। नक्आउट म्याचहरू बाहेक यस स्टेडियममा ईंग्ल्याण्ड-पाकिस्तान र भारत-दक्षिण अफ्रिकासहित केही अन्य म्याचहरू पनि हुनेछ। आयोजक भारतले ८ अक्टोबरमा चेन्नईको एमए चिदाम्बरम स्टेडियममा पाँचपल्टका च्याम्पियन अष्ट्रेलिया विरुद्ध आफ्नो अभियानको शुरुवात गर्नेछ।