सिलगढी: स्वतन्त्रता दिवसको अवसरमा सूर्यनगर स्पोर्टिङ क्लबको विशेष आकर्षण रन फर लाइफ म्याराथन हो। स्वतन्त्रता दिवसको अवसरमा सूर्यनगर स्पोर्टिङ क्लबले म्याराथन, चित्रकलालगायत विभिन्न कार्यक्रम आयोजना गर्ने भएको छ। भारतीय महिला क्रिकेट टोलीकी खेलाडी ऋचा घोषलाई पनि सम्मान गरिने छ। आयोजक संस्थाका सदस्यहरूले मंगलबार सिलगढी जर्नलिस्ट क्लबमा पत्रकार सम्मेलन गरी स्वतन्त्रता दिवस कार्यक्रमको घोषणा गरे। पत्रकार सम्मेलनमा सिलगढीका उपमेयर रञ्जन सरकार पनि उपस्थित थिए।

म्याराथन मल्लगढीस्थित खुदिरामको शालिकमुनिबाट सुरु भई डबग्रामस्थित सूर्यनगर स्पोर्टिङ क्लब मैदानमा समापन हुने बताइएको छ। त्यसपछि झण्डा फहराएर अर्को प्रतियोगिता सुरु हुनेछ। चित्रकला प्रतियोगिता पनि हुनेछ। सोही दिन प्रतियोगिताको समापनमा भारतीय महिला क्रिकेट टोलीकी खेलाडी ऋचा घोष, स्वर्ण पदक विजेता बडीबिल्डर मनोज घोष, पावर लिफ्टर निहार रञ्जन घोष र अन्य धेरैलाई सम्मान गरिनेछ। म्याराथन प्रतियोगितामा प्रथम हुनेले नगद १० हजार, दोस्रोले ७ हजार र तेस्रोले ५ हजार रुपियाँ पुरस्कार पाउनेछन्।