केप टाउन। अस्ट्रेलियाले आइतवार सॉंझ केप टाउनमा नेटबल विश्व कप २०२३ को उपाधि जितेको छ।

अस्ट्रेलियाली महिलाहरूले फाइनलमा इङ्गल्याण्ड विरूद्ध ६१-४५ को निर्णायक जित हासिल गरेर केपटाउन इन्टरनेशनल कन्भेन्शन सेन्टरमा उपाधि हात परेको छ।

यसका साथै अफ्रीकी धरतीमा आयोजित पहिलो नेटबल विश्व कप पनि समाप्त भएको छ। दक्षिण अफ्रीकाका राष्ट्रपति सिरिल रामफोसाले अस्ट्रेलियालाई ट्रफी प्रदान गरे।

लिवरपूलमा आयोजित भएको पहिलो संस्करणको फाइनलमा अस्ट्रेलियाली टीम न्यूजील्याण्डसॅंग एक अंकले पराजित बनेको थियो।

सेमिफाइनलमा न्यूजील्याण्डमाथि जित हासिल गरेर इङ्गल्याण्ड पहिलोपल्ट नेटबल विश्वकप को फाइनलमा खेलिरहेको थियो। यसको विपरित अस्ट्रेलियाको यो निरन्तर नौऔंपल्ट स्वर्ण पदक प्रतियोगिता थियो। अस्ट्रेलियाको टीम टुर्नामेन्टमा छ दशकको इतिहासमा कहिले पनि दोस्रो स्थानभन्दा तल झरेको छैन।