सिलगढीः मतिगढाको शिव मन्दिरस्थित एउटा अपार्टमेन्टको दोस्रो तल्लाको एउटा कोठाबाट रहस्यम ढङ्गमा झुन्डिएको अवस्थामा महिलाको शव उद्धार भएको छ। मृतकाको नाम मोना छेत्री (३६) बताइएको छ। गत शनिबार राति मोना अपार्टमेन्टमा एक्लै थिइन्। मोनाको आमा घरमा आउँदा घरको दैलो भित्रबाट बन्द रहेकोले गर्दा तिनले धेरैपल्ट मोनालाई बोलाइन् तर भित्रबाट कुनै उत्तर नपाएपछि दैलो भत्काएर भित्र गएर हेर्दा झुन्डिएको अवस्थामा मोनाको शव देखिन्। यसपछि तिनले घटनाबारे पुलिसलाई खबर दिएपछि मतिगढा थाना पुलिस घटनास्थलमा पुगेर शव उद्धार गरेर पोस्टमार्टमको लागि पठाएपछि आज शव परिवारका सदस्यलाई सुम्पिदिएको छ। प्राप्त जानकारी अनुसार शिवमन्दिरस्थित अपार्टमेन्टमा मोना छेत्री र तिनका प्रेमी बस्दै आइरहेको थियो भने दुवैले बिहे गर्ने कुरा थियो। तर गत शनिबार राति झुन्डिएको अवस्थामा मोनाको शव उद्धार भएको बताइएको छ। पुलिसले घटनास्थलबाट एउटा सुसाइड नोट पनि उद्धार गरेको छ, जसमा मोनाको प्रेमी र एकजना व्यक्तिको नाम उल्लेख गरेको छ। सुसाइड नोटबाट नै मृतक र तिनको प्रेमीबीच सम्बन्ध राम्रो नरहेको पुलिसले थाहा पाए। पुलिसले घटनाको जाँच शुरू गरेको छ।