४ अगस्तः च्याँगा बस्ती युथ क्लबको तत्त्वावधानमा आयोजित ७६औं इण्डिपेण्डेन्स कप २०२३ नक् आउट फूटबल टुर्नामेण्टमा एमटीवाईएस मगरटोलाले सेमिफाइनलमा स्थान बनायो। शुक्रवार च्याँगा दुर्गा मन्दिर मैदानमा खेलिएको पहिलो क्वार्टर फाइनलमा एमटीवाईएस मगरटोलाले न्यू ब्लड फूटबल क्लबलाई २-०-ले पराजित गऱ्यो। विजेता टीमबाट निगम तामाङले ३५औं र ४३औं मिनटमा २ गोल गरे। यस टुर्नामेण्टमा जम्मा ३२ वटा टीमले हिस्सा लिएको छ। आयोजक समितिका कोषाध्यक्ष ग्याल्छेन तामाङले बताएअनुसार, यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा ४० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २५ हजार रुपियाँको नगद पुरस्कार प्रदान गरिनेछ।