मुम्बईः आफ्नो करियरमा धेरै सुपरहिट हिन्दी र मराठी फिल्ममा कला निर्देशन गरिसकेका देसाईको अटोप्सी रिपोर्ट आएपछि उनको मृत्युको खुलासा भएको छ। पोस्टमार्टम रिपोर्टमा उनको मृत्युको कारण फांसी लगाउनु नै बताइएको छ। ०२ अगस्तमा कर्जतमा एनडी स्टूडियोमा उनको शव फांसीको फन्दामा संदिग्ध अवस्थामा भेटिएको थियो।

नितिन चन्द्रकान्त देसाईको पोस्टमार्टम जेजे अस्पतालमा चार डाक्टरहरूको टीमले गरेको थियो। रायगढ़ पुलिस अनुसार, प्रारम्भिक निष्कर्षहरू अनुसार मृत्युको कारण फांसी हो। मीडिया रिपोर्ट अनुसार, स्टूडियोको एक कर्मचारीले बिहान लगभग ९.३० बजी कर्जत पलिस स्टेशनमा फोन गरी नितिन देसाईले आत्महत्या गरेको बतायो। यसपछि पुलिस र उनको फोरेन्सिक टीमले उसको कमराको निरीक्षण गऱ्यो, जहाँ उनको शव झुण्डेको पाइयो। यद्यपि, पुलिसले नितिन देसाईको सुसाइड नोट पाएको छैन तर केही अडियो रिकर्डिङ पाइएको छ।

नितिन देसाईका नजिकका सहयोगी नितिन कुलकर्णीले मीडियालाई बताए, मुम्बई पुगेपछि देसाईलाई अन्तिम बिदाई दिइनेछ। देसाईका नानीहरू अमेरिकामा छन्। उनको अन्तिम संस्कार ४ अगस्त साझँ कर्जतको एनडी स्टूडियोमा गरिनेछ। यसबीच उनको परिवारले यसबारे कुनै आधिकारिक जानकारी दिएको छैन। यसबीच विधायक महेश बाल्दीले भने, नितिन देसाई आर्थिक समस्यासित जुझिरहेका थिए, यसैले उनले आत्महत्या जस्तो कदम उठाएको हुनसक्छ।