कुचबिहार: भाजपाको युवा मोर्चा र महिला मोर्चाले खण्ड २ को खापैडंगा क्षेत्रमा एक नाबालिग बालिकाको बलात्कार र हत्यामा संलग्नलाई मृत्युदण्डको सजायको माग गर्दै कुचबिहारको पुलिस अधीक्षकको कार्यालय घेराउ गरेर विरोध प्रदर्शन गरेको छ। कुचबिहार पुलिसले ब्यारिकेड लगाएर प्रदर्शनकारीलाई रोक्न खोज्दा अराजकताको स्थिति बनेको थियो जसका कारण प्रदर्शनकारीसँग झडप भएको थियो।

स्थिति नियन्त्रणमा लिन ठूलो संख्यामा पुलिस परिचालन गरिएको थियो। घटनालाई लिएर युवा मोर्चाका कार्यकर्ता र पुलिसबीच झडप भएको छ। पुलिसले रोकेपछि युवा मोर्चा र महिला मोर्चाका कार्यकर्ता पुलिस अधीक्षकको कार्यालय अगाडि धर्नामा बसेका छन्।