गान्तोक: लायन्स क्लब रम्फूले क्लबका दिवंगत भएका सदस्यहरुको स्मरणमा सम्मान कार्यक्रम शुरुवात गरेको छ। यस वर्ष लायन मोगिलाल जैन स्मृति सम्मान संजय अग्रवाललाई प्रदान गरियो भने छबीलाल शर्मा स्मृति सम्मान लायन राकेश अग्रवाललाई प्रदान गरियो। यसरी नै लायन ओ पी देवकोटा स्मृति सम्मान लायन नमिता छेत्रीलाई प्रदान गरिएको थियो। क्लबले सम्मान स्वरूप तिनै सम्मानित क्लब सदस्यहरुलाई स्मृति चिन्ह प्रदान गरियो भने यस प्रथालाई निरन्तरता दिने क्लबले निर्णय लिएको छ। तीन दिवंगत सदस्यहको कलब र समाज सेवाप्रतिको समर्पित भावनालाई कदर गर्दै यसरी स्मृति सम्मान कार्य गरिएको हो।