कोलकाता: ज्यालाको मागलाई लिएर मजदुरको आन्दोलन जारी रहेको छ। आन्दोलनरत मजदुरहरुले चैतदेखि झण्डै हरेक महिना तलबको मागलाई लिएर आन्दोलनमा उत्रनु पर्ने गरेको बताए। असारको अन्तिम दिनमा पनि मजदुरले असार महिनाको ज्याला नपाएको भन्दै हुग्ली चुन्चुरा सहरका अधिकारीलाई चार घण्टाभन्दा बढी समयसम्म घेरे। तृणमूल श्रमिक संगठनको ब्यानरमा आयोजित कार्यकर्ताको यो विरोधका कारण चर्को तनाव देखिएको थियो। अन्ततः भदौ २० गतेसम्म तलब दिने आश्वासन दिएपछि मजदुरहरु शान्त भएका छन्।