हो हजुर,यहाँ त खास जाति विरोधीलाई खदा माला लगाइन्छ

उन्मुक्तिको खास हिमायतीलाई चैं राजनीतिको भाला लगाइन्छ

कस्तो कस्तो त्याग गर्नेहरु आज गुमनाम छन् यो स्वार्थी पहाडमा

अचम्भ नै छ नी वैरीसित पो लाजै पचाएर गलामा गला लगाइन्छ

व्यवस्था छ गरीबको भाग्य लुटी खानेहरुको डुँडे पापी हातहरूमा

तथस्ट भई बस्नेहरूको भाग्यमा भने बड़ेमानको ताला लगाइन्छ

भ्रष्टाचार गज्जबले मौलिएको अचम्भको र युनिक ठाउँ हो यो हजुर

जल जीवन मिशनको पाइप अड्याउन अम्बकको डाला लगाइन्छ

गोर्खाल्याण्ड विकासको खेती गरेर पेट पाल्नेहरु छन् यो ठाँउमा

तर खेतीको विधि नजानेर मङ्सिरमा धानको बाला लगाइन्छll