इन्दौर: प्रदेश कंग्रेस अध्यक्ष एवं पूर्व मुख्यमन्त्री कमलनाथ, राज्यसभा सदस्य एवं पूर्व मुख्यमन्त्री दिग्विजय सिंह तथा एनएसयूआईका राष्ट्रिय प्रभारी कन्हैया कुमार आइतबार इन्दौरमा आयोजित आदिवासी युवा महापञ्चायतमा सामेल भए। कार्यक्रममा कन्हैया कुमारले युवाहरूमा जोश भर्दै भाजपा सरकारमाथि तीव्र प्रहार गरे। उनले भने, ‘हाम्रो पहिचानलाई नै लुकाउने प्रयास गरिँदैछ। देशकी राष्ट्रपति द्रौपदी मुर्मू पनि आदिवासी हुन्, तर कंग्रेस पार्टीमाथि हिलो छ्यापियो। यस देशको इतिहासलाई हेर्नुहोस्, पण्डित जवाहरलाल नेहरू पहिलो यस्ता प्रधानमन्त्री हुन् जसले संविधान सभामा आदिवासीहरूको लागि जल-जंगल-जमीनको अधिकार दिलाए। जल-जंगल-जमीनको लड़ाईँ लड़्नेहरू हाम्रा महामानव हुन्l’
कन्हैया कुमारले केन्द्रीय गृहमन्त्री अमित शाह र मध्य प्रदेशका गृहमन्त्री नरोत्तम मिश्रामाथि कटाक्ष गर्दै उनीहरूलाई चुनौती दिए, ‘हामी सत्य बोल्छौं र सत्यको लागि लड़छौं पनि। दुवै गृहमन्त्री आज इन्दौरमा छन्। यदि म गलत छु भने लाई जेलमा थुनियोस्। बेअर्थको बयान दिएर मानिसहरूलाई भ्रममा नपारोस्l’ उनले भने, ‘यदि मुख्यमन्त्रीले आफ्नो छोरालाई विदेश पठाउन सक्छन् भने हाम्रा नानीहरूलाई पनि सर्वश्रेष्ठ शिक्षा हासिल गर्ने अधिकार छ। हामी पनि ट्याक्स तिर्छौं, तपाईकै पैसाले मैले पीएचडी गरेको हो। मैले तपाईको नून खाएको छु जसको ऋण चुक्ता गर्नेछु। हामी महात्मा गान्धीको पार्टीबाट हौं। मप्रमा प्रत्येक दिन नयाँ घोटालाले जन्म लिरहेको छ। नयाँ घोटाला ‘पटवारी’ घोटाला हो जसमा टप्परले बताए कि मध्य प्रदेशको राजधानी दिल्ली होl’
उनले नरोत्तम मिश्रातिर लक्षित गर्दै भने, ‘तपाईको राज्यमा सबैभन्दा अधिक महिलाहरूसित अत्याचार भइरहेको छ। पहिला आफ्नो राज्य संचालन गर्नुहोस्, त्यसपछि मात्र बयान दिनुहोस्। साँचो बोल्नुहोस्, किनभने चुनावको बेलामा दिल्ली इन्दौरमा घुम्नथाल्छ। हिजोआज दिल्ली इन्दौरमा घुमिरहेको छl’ कन्हैया कुमारले भने, ‘देशमा पण्डित जवाहरलाल नेहरू, भगत सिंह, बाबा साहब अम्बेडकर नभएका भए आँगनबाड़ीका छोराले दुई-दुईजना मुख्यमन्त्रीहरू समक्ष भाषण दिरहेका हुन्थेनन्। यो लोकतन्त्रको शक्ति होl’ यसपूर्व सबै नेताहरू काग्रेस विधायक सञ्जय शुक्लाद्वारा आयोजित भगवान भोलेनाथको महारूद्राभिषेकमा सामेल भए। यहाँ कंग्रेस कार्यकर्ताहरूले कमलनाथलाई हनुमान प्रतिमा र गदा भेंट गरे। त्यसपछि कन्हैया कुमार, कमलनाथ र दिग्विजय सिंह रेडिसन होटलमा शहर महिला कांग्रेसद्वारा महिलाहरूप्रति दृष्टिकोणमा परिवर्तन विषयमा आयोजित एक महत्वपूर्ण कार्यक्रममा भाग लिन पुगेl’ –हिस
About Author
