सिलगढी: सिलगढीको मटिगढाको विश्वास कालोनी इलाकामा मटिगढा थानाको पुलिसले मदिरा सेवन गरेको अवस्थामा ५ जनालाई पक्राउ गरेको छ। पक्राउ परेकाहरूलाई सिलगढी डिभिजनल कोर्टमा पठाइएको छ। सिलगढीको मटिगढाको विश्वास कालोनी क्षेत्रलाई लागूऔषधमुक्त बनाउन मटिगढा थानाको पुलिस सक्रिय छ। उक्त क्षेत्रमा पुलिसले निरन्तर छापा मारिरहेको छ। यसका साथै मटिगढा पुलिसले पनि उक्त क्षेत्रमा विशेष निगरानी राखेको छ। शुक्रबार बिहान मटिगढा पुलिस ले फेरि उक्त क्षेत्रमा छापा मारेर मादक पदार्थ सेवन गरेको अवस्थामा ५ जनालाई पक्राउ गरेको हो। पक्राउ पर्नेमा बपीदास, दीपक बर्मन, बादल राण्डा, मोहम्मद सुलेमान हक र शरत सरकार रहेका छन्। पक्राउ परेकाहरूलाई शुक्रबार सिलगढी डिभिजनल कोर्टमा पठाइएको छ। पुलिसस्रोतका अनुसार सो क्षेत्रमा ठूलो मात्रामा लागुऔषध कारोबार भइरहेको छ । त्यसैले यस क्षेत्रलाई लागुऔषधमुक्त बनाउन पुलिसले निरन्तर प्रयास गरिरहेको छ। उक्त क्षेत्रलाई पुलिसले २४ घण्टा निगरानी गरिरहेको छ।