मालदा: पकुहाट घटनामा मालदामा दुव्र्यवहार भएका दुई महिलाले राष्ट्रिय महिला आयोग र अनुसूचित जाति आयोग वा एसटी आयोगमा पुलिस विरुद्ध उजुरी दिएका छन्। दुईवटा आयोगले छानबिन सुरु गरिसकेका छन्। यता जिल्ला पुलिस कार्यालय बामंगोला पुलिस थानाका आईसी जयदीप चक्रवर्ती, पकुहाट पुलिस थानाका ओसी राकेश विश्वास, अनुसन्धान अधिकृत र एक असई विरुद्ध मुद्दा दर्ता गरिएको छ। उनीविरुद्ध विभागीय अनुसन्धान सुरु भएको छ। पुलिसले महिलाहरूलाई बोलाएर बयान समेत लियो। राष्ट्रिय मानवअधिकार आयोगले यस घटनामा के कारबाही भयो भनेर पुलिस उपरीक्षक प्रदीपकुमार यादवलाई पत्र पठाएको छ।

यस विषयमा मालदा उत्तरका भाजपा सांसद खगेन मुर्मुले शुक्रबार मालदा शहरको डम रोड क्षेत्रमा पत्रकारहरूसँग कुरा गर्दै पुलिसले घटनालाई लुकाउने प्रयास गरेको बताए। त्यसैले घटना भएको ५ दिनपछि पुलिसले अनुसन्धान थालेको हो।