३ जुलाईः शीर्ष ऱ्यांकिंग भएकी महिला टेनिस खेलाड़ी इगा स्वियातेककी ३७ वटा म्याचदेखि जारी अजेय अभियानमा विराम लाग्यो। विम्बल्डन टेनिस च्याम्पियनशीपको तेस्रो राउण्डमा उनी एलिज कर्नेट विरुद्ध सीधा सेटमा हारको सम्मुखीन भइन्। फ्रेञ्च ओपन च्याम्पियन पोल्याण्डकी स्वियातेकलाई फ्रान्सकी ३७औं ऱ्यांकिंग भएकी कर्नेटले महिला एकलको म्याचमा ६-४, ६-२-ले पराजित गरिन्। एक घण्टा ३३ मिनटसम्म चलेको यस म्याचमा स्वियातेकले ३३ वटा सहज गल्तीहरू (अनफोर्स्ड एरर) गरिन् जबकि कर्नेटले केवल सातपल्ट यस्तो गल्तीहरू गरिन्। स्वियातेकको अजेय क्रम फरवरीदेखि चलिरहेको थियो अनि यस अवधि उनले लगातार ६ वटा टुर्नामेण्टमा खिताब जितिन्। अल ईंगल्याण्ड क्लबमा कर्नेटको यो पहिलो आश्चर्यजनक परिणाम चाहिँ होइन। उनले यसअघि २०१४-मा यस ग्रास कोर्ट ग्राण्ड स्ल्याम टुर्नामेण्टको चौथो राउण्डमा दिग्गज सेरेना विलियम्सलाई पराजित गरेकी थिइन्।
यसरी नै जेसिका पेगुलाकी यस साल ग्राण्ड स्ल्याम क्वार्टर फाइनलमा पुग्ने क्रम तेस्रो राउण्डमा क्रोएशियाकी पेट्रा मार्टिक विरुद्ध हारको साथ समाप्त भयो। मार्टिकले अमेरिकाकी आठौं वरीयता प्राप्त २८ वर्षीय खेलाड़ीलाई ६-२, ७-६-ले पराजित गरिन्। पेगुला यस साल अष्ट्रेलियन ओपन र फ्रेञ्च ओपनको क्वार्टर फाइनलमा पुगेकी थिइन्। उनले विम्बल्डनमा चाहिँ पहिलोपल्ट तेस्रो राउण्डमा स्थान बनाइन्। विश्व ऱ्यांकिंगमा ८०औं स्थानमा रहने मार्टिक यसअघि दुईपल्ट विम्बल्डनको चौथो राउण्डमा पुगिसकेकी छन्। क्वार्टर फाइनलमा स्थान बनाउनको निम्ति उनले अघिल्लो राउण्डमा १७औं वरीयता प्राप्त एलेना रयबकिनाकी चुनौती स्वीकार्नेछिन्।
अल ईंग्ल्याण्ड क्लबमा सातपल्टकी च्याम्पियन सेरेना विलियम्सलाई पहिलो राउण्डमै पराजित गर्ने हार्मनी टेन पनि चौथो राउण्डमा पुगिन्। टेनले स्थानीय खेलाड़ी केटी बोल्टरलाई सीधा सेटमा ६-१, ६-१-ले पराजित गरिन्। फ्रान्सकी गैर वरीयता प्राप्त खेलाड़ी टेनको यो पहिलो विम्बल्डन हो अनि उनले अघिल्लो राउण्डमा अमाण्डा एनिसिमोवाकी चुनौती स्वीकार्नेछिन्। अमाण्डाले फ्रेञ्च ओपनमा उपविजेता रहने अमेरिकी खेलाड़ी कोको गफ-लाई पराजित गरिन्। अमेरिकाकी दुई युवा खेलाड़ीबीचको म्याचमा अमाण्डाले ६-७, ६-२, ६-१-ले जीत हासिल गरिन्। अष्ट्रेलियाकी आयला टीमोयानवीचले २०२१-की फ्रेञ्च ओपन विजेता बारबोरा क्रेजीकोवालाई २-६, ६-४, ६-३-ले पराजित गरिन्।