गान्तोकः सिक्किमका राज्यपाल लक्ष्मण प्रसाद आचार्यले आज तिन्तेकस्थित छुबा बस्तीमा अवस्थित अमृत सरोवरको निरीक्षण गरे। यस अमृत सरोवरको सबैभन्दा उल्लेखनीय पक्ष अन्य परियोजनाहरूको तुलनामा धेरै कम बजेटमा स्थापना भएको हो। राज्यपालले यति उचाइ र चुनौतीपूर्ण भूभागमा जलविद्युत विकासको लागि प्रशंसा गर्दै, जसले यसमा संलग्न व्यक्तिहरूको समर्पण र कडा परिश्रमलाई दर्शाउने बताए।

यसबाहेक, उनले लाभग्राही र स्थानीयहरूसँग अन्तरक्रिया गर्दै सिँचाइको समस्यादेखि बजार पहुँच र प्रधानमन्त्री किसान सम्मान निधि जस्ता विभिन्न सरकारी योजनाहरूको कार्यान्वयन लगायतका उनीहरूको दैनिक चुनौतिहरूबारे जानकारी लिए।

राज्यपालले यस परियोजनाका लागि जमीन दान गर्ने बीबी विष्टको उदार योगदानको पनि कदर गरे। उनले तल्लो तहको संलग्नता र दिगो विकासको महत्त्वलाई जोड दिँदै किसानहरू, पञ्चायतहरू र सरकारी अधिकारीहरूसँग अर्थपूर्ण अन्तरक्रियामा सहभागिता जनाए।

यो अमृत सरोवर अरूको अनुकरण गर्नको निम्ति नमुना बन्नेछ भन्दै उनले यस सफलताको कथाले यस क्षेत्रका थप पहलहरूलाई प्रोत्साहित गर्ने आशा व्यक्त गरे।

-हिस