सिलगढी: मणिपुर घटनाको निन्दा गर्दै र दोषीहरूलाई कडा सजायको माग गर्दै, सिलगढी नम्बर १,२,३ टाउन तृणमूल युवा कांग्रेस सिलगढीको राजपथमा ओर्लियो। मणिपुरमा महिलालाई विवस्त्र गरेको आरोपले सिंगो देशको राजनीतिमा हलचल मच्चाएको छ। उक्त घटनाको निन्दा गर्दै तृणमूल युवा कांग्रेस नम्बर १, २, ३ टाउन कमिटीले सडकमा आएर आन्दोलन सुरु गरेको छ। घटनाको निन्दा गर्दै बिहीबार सिलगढीको बाघजातिन पार्कबाट विशाल विरोध जुलुस निकालिएको थियो। जुलुसले यस विषयमा केन्द्र सरकारको असफलता र मौनताको आलोचना गरेको छ। यस दिन बाघजातिन पार्कबाट सुरु भएको जुलुसले सिलगढीको मुख्य सडक परिक्रमा गरेको थियो।