नयाँ दिल्ली: आम आदमी पार्टी (आप)का राज्यसभा सांसद राघव चड्ढा मनसुन सत्रमा भाग लिन बुधबार आइपुगे। यसै क्रममा संसद परिसरमा कागको आक्रमणबाट राघव चड्डा घाइते भएका छन्। यो घटनाका तस्वीरहरु सामाजिक सञ्जालमा निकै भाइरल भइरहेका छन्। सामाजिक सञ्जालमा भाइरल भएको यो घटनाको तस्बिरमा राघव चड्डा कागको आक्रमणबाट जोगिएको देख्न सकिन्छ। राघव चड्ढामाथि कागको घटनापछि दिल्ली भारतीय जनता पार्टीले आफ्नो आधिकारिक ट्विटर ह्यान्डल मार्फत यो तस्विर सबैसँग साझा गरेको छ। दिल्ली बीजेपीले ठट्टा गर्दै लेखेको छ– ‘झुट बोले कौवा काटे’…आजसम्म सुनेको मात्रै थियो, आज झुटालाई कागले टोकेको पनि देखें!’

यति मात्र होइन, सामाजिक सञ्जालमा पनि मानिसहरुले कमेन्ट गरिरहेका छन्। एक ट्वीटर प्रयोगकर्ताले लेखेका छन्– ‘लोकतन्त्रमाथि प्रत्यक्ष प्रहार। आम आदमी पार्टीका सांसद राघव चड्डालाई संसद परिसरमा कागले टोक्योl’ मणिपुर हिंसाको मुद्दामा आम आदमी पार्टीका सांसद सञ्जय सिंहलाई पूरै मनसुन सत्रको लागि निलम्बनमा राघव चड्ढाले भनेका थिए कि मणिपुरमा संविधानको धारा ३५५ र ३५६ को मात्र उल्लङ्घन भएको छैन, त्यहाँ मानवतालाई पनि लाजमा पारिएको छ। उनले शान्ति सुरक्षा कायम गर्न सरकार पूर्ण रुपमा असफल भएको आरोप लगाए। ‘कानून र व्यवस्था केन्द्र र प्रदेश सरकारको नियन्त्रण बाहिर गएको छ। केन्द्र सरकारले तत्काल मणिपुरको वीरेन सिंह सरकारलाई बर्खास्त गरी त्यहाँ राष्ट्रपति शासन लागू गर्नुपर्छ’, उनले भने।