सिलगढी: सिलगढी पुलिस कमिश्नरेटले शहरलाई लागूऔषधमुक्त बनाउने अभियानमा उल्लेखनीय सफलता हासिल गरेको छ। मंगलबार अबेर राति दक्षिण दिनाजपुरबाट ब्राउन सुगर तस्करी गर्दै गरेको अवस्थामा एक जनालाई रंगेहात पक्राउ गरिएको छ।
पक्राउ पर्ने व्यक्ति शाहजहान सरकार रहेको प्रहरीले जनाएको छ। उनको साथबाट करिब ६ सय ग्राम ब्राउन सुगर बरामद गरिएको छ।
प्रहरीका अनुसार, गोप्य सूचनाका आधारमा एनजेपी थाना पुलिस र विशेष अपरेशन समूह (एसओजी) ले तीनबत्ती मोड क्षेत्रमा घेराबन्दी गरेको थियो। तलासीका क्रममा अभियुक्तको झोलाबाट ठूलो परिमाणमा लागूऔषध फेला परेको हो। उक्त अपरेशनमा एनजेपी थाना निरीक्षक रञ्जन दास पनि सहभागी थिए।
प्रारम्भिक अनुसन्धानबाट अभियुक्त दक्षिण दिनाजपुरबाट बसमार्फत सिलगढी आएको र शहर तथा आसपासका क्षेत्रमा लागूऔषध आपूर्ति गर्ने योजनामा रहेको खुलेको छ।
प्रहरीले अहिले यस तस्करी नेटवर्कमा संलग्न अन्य व्यक्तिहरूको खोजी गरिरहेको छ। अभियुक्तविरुद्ध एनडीपीएस ऐन अन्तर्गत मुद्दा दर्ता गरिएको छ र थप अनुसन्धान जारी रहेको पुलिसले जनाएको छ।