न्यूयोर्क: फिफा वर्ल्ड कप २०२६-लाई लिएर विश्वभरि अभूतपूर्व उत्साह देख्न पाइएको छ। फिफाले बताएअनुसार, केवल एक महिनामा ५०० मिलियन (५० करोड़) भन्दा अधिक टिकट रिक्वेस्ट दर्ता गरिएको छ। यो संख्या आफै एउटा रेकर्ड हो अनि यसले आज पनि वर्ल्ड कपलाई लिएर कतिको पागलपन रहेको छ भन्ने कुरालाई दर्शाउँछ। फिफा अध्यक्ष जियानी इन्फेण्टिनोले भने, केवल एक महिनामा ५० मिलियन टिकटको निम्ति अनुरोध आउनु मागभन्दा धेरै अधिक हो। यो एउटा वैश्विक सन्देश हो। हाम्रो एउटै खेद छ अनि त्यो हो हामी प्रत्येक प्रशंसकलाई स्टेडियममा स्थान दिन सक्दैनौ। टिकट रिक्वेस्ट फिफाको सबै २११ सदस्य देशहरूबाट आएको छ। आयोजक देशहरू (अमेरिका, मेक्सिको र क्यानाडा)-लाई छोड़ेर सर्वाधिक माग जर्मनी, ईंग्ल्याण्ड, ब्राजील, स्पेन, पोर्तुगल, अर्जेण्टिना र कोलम्बियाबाट रहेको छ। सर्वाधिक टिकटको रिक्वेस्ट कोलम्बिया र पोर्तुगलबीच म्याचको निम्ति रहेको छ, जुन २७ जूनमा मियामीमा खेलिनेछ। त्यसपछि मेक्सिको बनाम दक्षिण कोरिया (गुआडालाजारा, १८ जून) म्याच र फाइनल (न्यू जर्सी, १९ जुलाई) म्याचको निम्ति रिक्वेस्ट आएको छ। लटरी रिजल्टको घोषणा ५ फरवरीभन्दा पहिला गरिनेछैन।
प्रशंसकहरूबीच व्यापक उत्साहबीच टिकट दरहरूले गर्दा विवाद पनि सृष्टि भएको छ। धेरै यूरोपेली प्रशंसकहरूले टिकट मूल्य धेरै अधिक भएको नालिश गरेका छन्। फूटबल सपोर्टर्स यूरोप अनुसार, टिकट कतर वर्ल्ड कप २०२२-को तुलनामा लगभग ५ गुणा महँगो रहेको छ। आलोचनाहरूपछि फिफाले दिसम्बरमा ६० डलरको एउटा नयाँ लो कस्ट क्याटगरी शुरु गरेको छ। उत्साहको साथ एउटा चिन्ताको विषय पनि रहेको छ। अमेरिकी शहरहरूमा राजनैतिक तनाउ, गोलीबारीका घटनाहरू अनि कानून व्यवस्थालाई लिएर आशंकाहरूले प्रशंसकहरूलाई हतोत्साहित गरिरहेको छ। रोया न्यूजको रिपोर्ट अनुसार, १६,८०० प्रशंसकहरूले टिकट प्रोसेसबाट स्वयंलाई रातारात बाहिर गरेका छन्, जसमा धेरैले सोशल मीडियामा बयकट क्याम्पेनलाई समर्थन गरेका छन्। धेरै विदेशी समर्थकहरूले सुरक्षा र सम्भावित अशान्तिको चिन्ताहरू व्यक्त गरेका छन्। मिनियापोलिसमा आईसीई सम्बन्धी गोलीबारीको घटनाले प्रशंसकहरू आतंकित भएका छन्।
फिफा वर्ल्ड कप २०२६ धेरै दृष्टिकोणले ऐतिहासिक रहेको छ। पहिलोपल्ट टुर्नामेण्ट ४८ वटा टीमको प्रारूपमा खेलिनेछ। यसरी फिफा वर्ल्ड कप पहिलोपल्ट ३ वटा देश (अमेरिका, क्यानाडा, मेक्सिको)-को संयुक्त आयोजनमा हुनेछ। यति सब भएर पनि यूरोप, दक्षिण अमेरिका र अफ्रिकाका धेरै प्रशंसकहरू अहिले आफ्नो यात्रामाथि पुनर्विचार गरिरहेका छन्। प्रशंसकहरूबीच बढ़िरहेको चिन्तालाई ध्यानमा राखेर फिफाले यस हप्ता आपात बैठक बोलाउने फसेला गरेको छ। सुरक्षा प्रोटोकल, टिकट विड्रल अनि फ्यान शिफ्टिंग मुख्य मुद्दा रहनेछ। यसको साथमा के यसले टुर्नामेण्टको प्रतिष्ठामाथि असल गर्नेछ भन्ने विषयमा पनि चर्चा हुनेछ।