बार्सिलोना: स्पेनिश ला लीगा फूटबलमा बार्सिलोनाले फेरि आफ्नो म्याच जित्न सकेन जबकि एट्लेटिको म्याड्रिडले चाहिँ हारको सामना गर्नु पऱ्यो। बार्सिलोनालाई शनिवार राति खेलिएको म्याचमा गेटाफेले १-१-को ड्र-मा रोक्यो। केही समय अघिसम्म शीर्ष स्थानमा रहने बार्सिलोनाले ला लीगाको जारी सीजनमा गत ५ वटा म्याचमा केवल एउटा जित्न सकेको छ। यस अवे म्याचमा ७८ प्रतिशत पोजेशनको साथ खेल्ने बार्सिलोनालाई जुलेस कौण्डेले नवौं मिनटमै बढ़त दिलाए पनि होम टीमले चाँड़ै बराबरी हासिल गऱ्यो। गेटाफेबाट माउरो अरामबार्रीले ३४औं मिनटमा गोल गरे। त्यसपछि रहल समयमा दुवै टीमले गोल गर्न सकेन। यस ड्र पछि बार्सिलोना २० वटा म्याचमा ३९ पोइण्ट्सको साथ ला लीगा टेबलको तेस्रो स्थानमा कायम रह्यो। यसरी १६औं स्थानमा रहने गेटाफेसँग २० पोइण्ट्स रहेको छ। यसबीच एट्लेटिको म्याड्रिडले चाहिँ लेगानिसविरुद्ध म्याचमा ०-१-ले निराशाजनक हारको सामना गर्नु पऱ्यो। ला लीगाको जारी सीजनमा यो एट्लेटिकोको केवल दोस्रो हार हो। म्याचमा ३२ प्रतिशत पोजेशनको साथ खेल्ने होम टीमबाट मातिजा नासटासिकले ४९औं मिनटमा गोल गरे। म्याचमा भरपूर प्रयास गरे पनि एट्लेटिको म्याड्रिडले गोल गर्न सकेन। यस निराशाजनक हारपछि पनि एट्लेटिको म्याड्रिड २० वटा म्याचमा ४४ पोइण्ट्सको साथ ला लीगा टेबलको शीर्ष स्थानमा कायम रह्यो। यसरी लेगानिस २२ पोइण्ट्सको साथ १५औं स्थानमा रहेको छ। ला लीगाका अन्य म्याचहरूमा एस्पानयोलले भाल्लाडोलिडलाई २-१-ले, सेविलेले गिरोनालाई २-१-ले अनि अलावेसले रियल बेटिसलाई ३-१-ले पराजित गऱ्यो।