म्याड्रिड: बार्सिलोनाले स्पेनिश ला लीगा फूटबल प्रतियोगितामा ड्र-मा रोकिएर फेरि पोइण्ट बाँड़्नु पऱ्यो जबकि रियल म्याड्रिडले आफ्नो म्याच सजिलै जित्यो। शनिवार राति खेलिएको म्याचमा गत सीजनको च्याम्पियन रियल म्याड्रिडले गिरोनालाई ३-०-ले पराजित गऱ्यो। यस अवे म्याचमा ५९ प्रतिशत पोजेशनको साथ खेल्ने रियल म्याड्रिडबाट जूड बेलिंघमले ३६औं मिनटमा पहिलो गोल गरे। मध्यान्तरसम्म १ गोलले अघि रहने रियलले दोस्रो हाफको खेलमा अझ २ गोल गरी सजिलै म्याच जित्यो। दोस्रो हाफमा रियलबाट अर्डा गुलेरले ५५औं र कीलियन एम्बाप्पेले ६२औं मिनटमा गोल गरे। यस जीतपछि रियल म्याड्रिड १६ वटा म्याचमा ३६ पोइण्ट्सको साथ ला लीगा टेबलको दोस्रो स्थानमा कायम रह्यो। यसरी आठौं स्थानमा रहने गिरोनासँग २२ पोइण्ट्स रहेको छ। यसबीच बार्सिलोनालाई चाहिँ रियल बेटिसले २-२-को ड्र-मा रोक्यो। यस अवे म्याचमा एक समय जीतको नजिक पुगिसकेको बार्सिलोनालाई इञ्ज्युरी टाइमको गोलले ड्र-मा रोक्यो। म्याचमा ६२ प्रतिशत पोजेशनको साथ खेल्ने बार्सिलोनाबाट रोबर्ट लेवाण्डोस्कीले ३९औं र फेरान टोरेसले ८२औं मिनटमा गोल गरे। यसरी रियल बेटिसबाट जियोभानी लो सेल्सोले ६८औं र अस्साने डिआओले अन्तिम समय (इञ्ज्युरी टाइमको चौथो मिनट)-मा गोल गरे। यस ड्र पछि बार्सिलोना १७ वटा म्याचमा ३८ पोइण्ट्सको साथ शीर्ष स्थानमा कायम रह्यो। यसरी रियल बेटिस २१ पोइण्ट्स लिएर एघाह्रौं स्थानमा रहेको छ। ला लीगाका अन्य म्याचहरूमा सेल्टा विगोले मालोर्कालाई २-०-ले, लास पाल्मासले भाल्लाभोलिडलाई २-१-ले अनि रायो भाल्लोकानोले भेलेन्सियालाई १-०-ले पराजित गऱ्यो।