म्याड्रिड: स्पेनिश ला लीगा फूटबल प्रतियोगितामा रियल म्याड्रिडले गत म्याचको निराशालाई भुलेर रोमाञ्चक जीत हासिल गऱ्यो। आइतवार राति खेलिएको म्याचमा रियल म्याड्रिडले अलावेसविरुद्ध २-१-ले जीत हासिल गऱ्यो। यस अवे म्याचमा ४९ प्रतिशत पोजेशनको साथ खेल्ने रियल म्याड्रिडको निम्ति कीलियन एम्बाप्पेले २४औं र रोड्रिगोले ७६औं मिनटमा गोल गरे। यसरी अलावेसबाट कार्लोस भिसेण्टेले ६८औं मिनटमा गोल गरे। यस जीतको साथ रियल म्याड्रिड १७ वटा म्याचमा ३९ पोइण्ट्सको साथ ला लीगा पोइण्ट्स टेबलको दोस्रो स्थानमा कायम रह्यो। अलावेस १८ पोइण्ट्स लिएर १२औं स्थानमा रहेको छ। यसरी सेविलेले ओविएदोविरुद्ध ४-०-ले एकतर्फी जीत हासिल गऱ्यो। आफ्नो होम ग्राउण्डमा खेल्ने सेविलेले म्याचको दुवै हाफमा २-२ गोल गऱ्यो। यस जीतपछि सेविले २० पोइण्ट्सको साथ गोल अन्तरको आधारमा नवौं स्थानमा रहन पुग्यो। अन्य म्याचहरूमा एस्पानयोलले गेटाफेलाई १-०-ले अनि सेल्टा विगोले एथलेटिक क्लबलाई २-०-ले पराजित गऱ्यो।