अमेरिकाकी टेनिस स्टार सेरेना विलियम्स अहिले वर्षकै अन्तिम ग्राण्डस्लाम प्रतियोगिता यूएस ओपन २०२२ मा सहभागी भइरहेकी छिन्। उनले आफ्नो पहिलो खेलमा शानदार जित हासिल गरेकी थिइन्, जुन यादगार बनेको छ। यो खेल जितभन्दा बढी हिराको कारण चर्चामा छ। वास्तवमा २३ पटककी ग्राण्डस्लाम च्याम्पियन सेरेना विलियम्स यस खेलमा हिरा जडित जुत्ता लगाएर आइन्। हिरा पनि थोरै थिएनन्, जुत्तामा चार सय हिरा जडित थिए। खेलमा हिरा जडित जुत्ताहरु विशेष आकर्षणको केन्द्र बनेका थिए। यति मात्र होइन, यो पहिलो खेलमा सेरेना विशेष पोशाक लगाएर आइन्। यो पोशाक पनि उनले आफैं डिजाइन गरेकी हुन्। उनकी ५ वर्षीया छोरी ओलम्पियाले पनि आमाले जस्तै पहिरन लगाएकी थिइन्। सेरेनाको जुत्ता र पहिरनका तस्वीर र भिडियो सामाजिक सञ्जालमा निकै भाइरल भइरहेका छन्।

युएस ओपन २०२२ मा महिला एकलको पहिलो राउण्डमा सेरेनाले मोन्टेनेग्रोकी खेलाडी डन्का कोभिनिचको सामना गरिन्, जसले ८०औँ वरियताकी डन्कालाई सीधा सेटमा ६-३, ६-३ ले पराजित गरिन्। अमेरिकाकी स्टार टेनिस खेलाडी सेरेना विलियम्सले यसअघि नै सन्यासको घोषणा गरिसकेकी छिन्। यो खेलाडीको अन्तिम ग्राण्डस्लाम प्रतियोगिता हुनेछ। जसमा उनले विजयी शुरुवात गरेका थिए। अब उनी उपाधि जितेर सन्यास लिन चाहन्छिन्। पिपल म्यागजिनका अनुसार सेरेना विलियम्सले म्याचमा हातले डिजाइन गरिएको नाइकी जुत्ता लगाएकी थिइन्। सेरेनाको पहिलो खेल हेर्न पूर्व अमेरिकी राष्ट्रपति बिल क्लिन्टन, मार्टिना नवरातिलोभा, माइक टायसन, सेरेनाकी हजुरआमा र छोरी पनि उपस्थित थिए। सेरेनाले १७ वर्षको उमेरमा सन् १९९९ मा युएस ओपनको उपाधि जितेकी थिइन्। खेल जितेपछि ६ पटकको युएस ओपन च्याम्पियन सेरेनाले भनिन्, ‘जब म कोर्टमा आइन्, दर्शकले जसरी स्वागत गरे त्यसबाट म निकै खुशी थिएँ। म यसलाई कहिल्यै भुल्ने छैन।’ सेरेनाले सन् १९९९ मा युएस ओपनको पहिलो उपाधि जित्दा कपालमा सेतो मोती लगाएर खेलमा प्रवेश गरेकी थिइन्। अब ४० वर्षको उमेरमा सेरेनाले हिरा जुत्ता लगाएर आफ्नो अन्तिम प्रतियोगितालाई यादगार बनाएकी छिन्।