२९ मईः इटालियन सेरि ए फूटबलमा एसी मिलानले रोमाञ्चक जीत हासिल गऱ्यो। यसरी च्याम्पियन नापोली चाहिँ ड्र-मा रोकियो। आइतवार राति खेलिएको रोमाञ्चक म्याचमा एसी मिलानले युभेण्टसलाई १-०-ले पराजित गऱ्यो। यस अवे म्याचमा ५२ प्रतिशत पोजेशनको साथ खेल्ने एसी मिलानबाट एकमात्र गोल अनुभवी फरवर्ड ओलिवर गिरोडले ४०औं मिनटमा छिराए। म्याचमा युभेण्टसले अधिक आक्रमण गरे पनि गोल गर्न सकेन। यस जीतपछि एसी मिलान ३७ वटा म्याचमा ६७ पोइण्ट्सको साथ सेरि ए टेबलको चौथो स्थानमा कायम रह्यो। यसरी युभेण्टस ५९ पोइण्ट्सको साथ सातौं स्थानमा रहेको छ। यसबीच अगावै लीग विजेता बन्ने नापोली चाहिँ बोलोग्ना विरुद्ध २-२-को ड्र मा रोकियो। म्याचमा ४७ प्रतिशत पोजेशनको साथ खेल्ने नापोली एक समय २ गोलले अघि रहेको थियो। भिक्टर ओसिमहेनले १४औं र ५४औं मिनटमा गोल गरे। दुई गोल खाएपछि बोलोग्नाले पनि लड़ाकू प्रदर्शन गर्दै म्याच ड्र गऱ्यो। होम टीमबाट लेविस फर्गूसनले ६३औं र लोरेञ्जो डी सिल्वस्ट्रीले ८४औं मिनटमा गोल गरे। यस ड्र पछि नापोली ८७ पोइण्ट्सको साथ शीर्ष स्थानमा कायम रह्यो। यसरी ११औं स्थानमा रहने बोलोग्नासँग ५१ पोइण्ट्स रहेको छ। अन्य म्याचहरूमा लाजिओले क्रेमोनिसलाई ३-२-ले अनि लीसले मोञ्जालाई १-०-ले पराजित गऱ्यो। भेरोना र एम्पोलीबीचको म्याच १-१-ले ड्र रह्यो।