फुलबारी: ‘सेफ ड्राइभ सेभ लाइफ’ कार्यक्रम मार्फत फुलबारीमा सडक सुरक्षा सप्ताह शुरु गरिएको छ। शुक्रबार, सिलगढी महानगरीय पुलिसअन्तर्गत फुलबारी राजमार्ग ट्राफिक आउटपोस्टद्वारा ‘सेफ ड्राइभ सेभ लाइफ’ कार्यक्रम शुरु गरिएको थियो।

आज पुलिसको पहलमा बाइकरहरूलाई ट्राफिक नियमको बारेमा सचेत गराउन र्‍याली निकालियो। साथै हेल्मेट नलगाउने मोटरसाइकल चालकहरूलाई पनि हेल्मेट वितरण गरियो। हेल्मेट र गुलाब दिँदै भविष्यमा हेल्मेट लगाउने र ट्राफिक नियम पालना गर्ने सन्देश दिइयो। यसबाहेक, नि:शुल्क आँखा जाँचको लागि परीक्षण शिविरको आयोजना गरियो।

आजको कार्यक्रममा एडीसीपी अभिषेक मजुमदार, एसीपी ट्राफिक रथीन्द्रनाथ विश्वास, एनजेपी पुलिस चौकीका आईसी सोनम लामा, फुलबारी राजमार्ग ट्राफिक आउट पोस्टका ओसी असित साहा र अन्य पुलिस अधिकारीहरू उपस्थित थिए।