​सिलगढी: सिलगढी पुलिस कमिश्नरेट अन्तर्गत माटिगढा थाना पुलिसले एसीको तामाको पाइप चोरी प्रकरणमा सफलता हासिल गर्दै एक जनालाई पक्राउ गर्नुका साथै चोरी भएका सामग्री बरामद गरेको छ।
​प्राप्त जानकारी अनुसार, गत १२ सेप्टेम्बर २०२६ मा माटिगढा थानामा एक लिखित उजुरी दर्ता गराइएको थियो। उजुरीमा गत ०८ सेप्टेम्बर २०२६ का दिन माटिगढा थाना क्षेत्रमा रहेको ‘बजार कोलकाता’ को एसी आउटडोर युनिटबाट अज्ञात चोरहरूले दुई सेट एसीको तामाको पाइप चोरी गरी लगेको उल्लेख गरिएको थियो।
​घटनाको अनुसन्धान सुरु गर्दै पुलिस टोलीले दार्जिलिङ जिल्लाको सिलगढी थाना अन्तर्गत महानन्दा पुल नजिकै कुमाटुली निवासी २६ वर्षीय निकी दासलाई पक्राउ गर्यो। पुलिस हिरासतमा राखेर सोधपुछ गर्ने क्रममा अनुसन्धान टोलीले अभियुक्तको कब्जाबाट ३.२३५ किलोग्राम चोरी भएको एसीको तामाको पाइप बरामद गरी जफत गरेको छ।
​पुलिसले घटनाको सम्बन्धमा थप अनुसन्धान जारी राखेको छ।