सिलगढी: अपार्टमेन्टका सुरक्षा गार्डलाई चोरीको आरोपमा भक्तिनगर थानाले पक्राउ गरेको छ। पक्राउ परेका अभियुक्तको नाम आकाश देवनाथ हो। उनी प्रधाननगर थाना अन्तर्गतको इलाकाका बासिन्दा हुन्। स्रोतका अनुसार २९ तारिक अन्तर्गतको अपार्टमेन्ट भित्रबाट तामाको तार चोरीको घटना भएको थियो। जसको गत राति भक्तिनगर पुलिस थानामा लिखित उजुरी परेको थियो। उजुरीका आधारमा अनुसन्धान गर्दै भक्तिनगर पुलिस थानाले आकाश देवनाथलाई राजाराममोहन रोय रोड नजिकै रहेको महानन्द पुलबाट तामाको तारसहित रंगेहात पक्राउ गरेको हो।सोधपुछका क्रममा पुलिसले अभियुक्त आकाश देवनाथ अपार्टमेन्टमा नाइट गार्डको काम गर्ने गरेको थाहा पाए। अपार्टमेन्टमा राखिएको तामाको तार उनले नै चोरेका थिए। पुलिसले आरोपीलाई आज जलपाईगुडी अदालतमा पेश गरेको छ। पुलिसले सम्पूर्ण मामिलाको अनुसन्धान गरिरहेको छ।