ओसाका: चेक गणराज्यकी टेनिस खेलाड़ी कटरीना सिनियाकोवाले जापान ओपनमा महिला एकलको खिताब जितिन्। आइतवार खेलिएको फाइनलमा उनले अमेरिकाकी एश्लिन क्रूगरलाई सजिलैसँग ६-१, ६-०-ले पराजित गरिन्। यस जीतको साथ सिनियाकोवाले ३ सालपछि आफ्नो पहिलो एकल खिताब अनि समग्रमा करियरको छैटौं एकल ट्रफी जितिन्। सिनियाकोवाले फाइनलमा शुरुवातदेखि नै असाधारण प्रदर्शन गर्दै एश्लिनलाई कुनै मौका दिइनन्। उनले केवल ६४ मिनटमा फाइनल म्याच जितिन्। सिनियाकोवाले पूरा म्याचमा ६ पल्ट एश्लिनकी सर्विस तोड़िन् अनि दुवै सेटमा आफ्नो वर्चस्व कायम राखिन्। ३० वर्षीय सिनियाकोवाको निम्ति यो जीत खास रह्यो कारण उनले अन्तिमपल्ट २०२३-मा चीनको नानचांगमा जियांग्शी ओपनको एकल खिताब जितेकी थिइन्। जापान ओपनको ट्रफी उनकी करियरको छैटौं एकल खिताब हो। उनले आफ्नो करियरको पहिलो एकल खिताब २०१७-मा चीनको शेनझेनमा जितेकी थिइन्। सिनियाकोवालाई महिला टेनिसमा विशेषगरी दिग्गज युगल खेलाड़ीको रूपमा चिनिन्छ। उनले आफ्नो करियरमा ३९ वटा युगल खिताब जितिसकेकी छन्। गत महिना उनले टेलर टाउनसेण्डसँग यूएस ओपनमा महिला युगलको खिताब जितेकी थिइन्।