साउदी अरेबिया: साउदी अरबको अर्थतन्त्रले सारा विश्वलाई चकित बनाएको छ, ठूला ठूला दिग्गजहरू पछि परेका छन्l साउदी अरेबियाको अर्थतन्त्र सन् २०२२ मा विश्वको सबभन्दा द्रुत बृद्धि हुने अर्थतन्त्र बन्न गइरहेको छ। साउदी अरेबियाले चीन, भारतजस्ता एशियाली दिग्गज र पश्चिमी यूरोपलगायत उत्तर अमेरिकाको अर्थतन्त्रलाई पछाडि छोड्नेछ। सन् २०२२ मा साउदी अरेबियाको जीडीपी ७ दशमलव ५ प्रतिशत हुने प्रतिवेदनमा उल्लेख छ। इकोनोमिस्ट इन्टेलिजेन्समा प्रकाशित प्रतिवेदनमा साउदी अरेबियामा सन् २०११ यता सबैभन्दा तीव्र वृद्धिदर रहेको उल्लेख गरिएको छ।

प्रतिवेदनमा भनिएको छ कि साउदी अरबको आर्थिक वृद्धि मुख्यतया उच्च ऊर्जा मूल्य, बढ्दो तेल र ग्यास उत्पादन, ऊर्जा र गैर-ऊर्जा क्षेत्रमा ठूलो मात्रामा लगानीको कारण हो। कोभिड-१९ खोप कार्यक्रमको सफल रोलआउटले पनि अर्थतन्त्रमा महत्त्वपूर्ण प्रभाव पारेको छ। साउदी अरेबियाको २०२२ मा खाता ब्यालेन्समा लगभग $ १६३ बिलियनको बचत हुने अपेक्षा गरिएको छ। जुन २०२१ मा ४४ अर्ब डलरभन्दा बढी हो। साउदी केन्द्रीय बैंकले यूएस फेडरल रिजर्भजस्तै मौद्रिक नीतिमा कुनै लचकता देखाएको छैन। फलस्वरूप, २०२२ मा देशमा उपभोक्ता मूल्य मुद्रास्फीति औसत २.५ प्रतिशतको हाराहारीमा रहने अनुमान गरिएको छ। यो २०२३ मा अझै घट्ने अपेक्षा गरिएको छ। साउदी अरेबियामा जारी नियामक सुधारहरूले व्यापारिक वातावरणमा सुधार गर्दै विदेशी लगानी आकर्षित गरिरहेको छ। यी सुधारहरूले देशको बजारलाई टेवा पु¥याउनुका साथै अर्थतन्त्रमा निजी क्षेत्रको सहभागितालाई बढावा दिइरहेको छ। प्रो-व्यापार सुधारहरूले यहाँ व्यापार सुरु गर्न सजिलो बनाएको छ। यससँगै यहाँको अर्थतन्त्रमा विदेशी कम्पनीलाई लगानी गर्न सहज भएको छ। प्रतिवेदनले साउदी अरेबियाको आर्थिक दृष्टिकोण अपेक्षाले भरिएको जनाएको छ। यदि सुधार प्रक्रिया ट्र्याकमा रहन्छ र साउदी रणनीतिक परियोजनाहरू र विकास क्षेत्रहरूमा वित्त प्रवाह जारी रहन्छ। अगस्टमा, आईएमएफ (अन्तर्राष्ट्रिय मुद्रा कोष) ले साउदी अरबको कूल गार्हस्थ्य उत्पादन (जीडीपी) २०२२ मा ७.६ प्रतिशतले वृद्धि हुने अनुमान गरेको थियो।