कोलकाता: वायु प्रदूषणको स्तर घटाउनको लागि पश्चिम बङ्गाल सरकारले आउँदो दुई वर्षमा कोलकातामा लगभग १२ सय इलेक्ट्रिक बसहरू शुरु गर्ने भएको छ, जसमध्ये  चार सय बसहरू जनवरी २०२३ सम्म सञ्चालन हुनेछन्। एक वरिष्ठ यातायात अधिकारीले यो जानकारी दिए। उनले राज्यको उत्तरी र पश्चिम क्षेत्रमा पनि सीएनजीमा आधारित बस सञ्चालन गर्नेतर्फ यातायात विभागले काम गरिरहेको जानकारी दिए। ‘विभागले अर्को दुई वर्षमा कोलकाता नगर निगम क्षेत्रको सडकमा १,१८० इलेक्ट्रिक बसहरू प्रस्तुत गर्नेछ, जुन पश्चिम बङ्गाल यातायात निगम (डब्ल्युबीटीसी) द्वारा संचालित हुनेछन्’, अधिकारीले भने। तीमध्ये चार सय बस आउँदो जनवरीदेखि सञ्चालनमा आउनेछन्। वातावरण अभियन्ता सुभाष दत्तले यो कदमको स्वागत गर्दै यसलाई ‘राम्रो शुरुवात’ भने। उनले भने, ‘यो एक धेरै सानो तर सकारात्मक पहल हो, कोलकाता महानगर क्षेत्रमा लगभग १० देखि १२ लाख निजी सवारी साधनहरू चल्ने सन्दर्भमा। कमसेकम वातावरणीय स्वास्थ्यमा सुधार आउन थाल्छ, विद्युतीय बसले अवश्य कार्बन उत्सर्जनको स्तर घटाउनेछl’ डब्ल्युबीटीसीले सवारी साधन खरिद र सञ्चालन गरिरहेको छ। एक डब्ल्युबीटीसी अधिकारीले कोलकातासँग जोडिएको साल्ट लेक र न्यू टाउन क्षेत्रहरूको लागि ५० अतिरिक्त विद्युतीय बसहरू खरिद गरिएको बताए। तीमध्ये ११ वटाको सञ्चालन पनि सुरु भइसकेको छ। ओपेक्स (अपरेटिङ एक्सपेन्स) मोडलमा नयाँ १,१८० बस खरिद भइरहेको उनले बताए। यी टाटा निर्मित बसहरू एजेन्सीले उपलब्ध गराउनेछन्। अधिकारी अझ भने, ‘हामीले प्रत्येक किलोमिटरको आधारमा कम्पनीलाई भुक्तानी गर्नेछौं। बसका चालकहरू फर्मद्वारा उपलब्ध गराइनेछ, जबकि अपरेटरहरू डब्ल्युबीटीसीबाट हुनेछन्। र एनबी एसटीसी (उत्तर बङ्गाल राज्य यातायात निगम) द्वारा कोचबिहार मुख्यालयमा अवस्थित हुनेछl’