कुचबिहार: दिनहाटा कुचबिहार राज्य राजमार्गमा लापरवाही बाइकले ठक्कर दिँदा ६५ वर्षीय गोपाल सरकारको मृत्यु भएको छ। उक्त व्यक्ति शिमुलतला पेट्रोल पम्प नजिकैको इलाकाका बासिन्दा रहेको बताइएको छ। उनी आफ्नो घरबाट पैदल हिड्दै सिमुलतला बजार नजिकै छिमेकीको घर जाँदै गर्दा मोटरसाइकलले ठक्कर दिएको थियो। मोटरसाइकलको ठक्करबाट उनको घटनास्थलमै मृत्यु भएको हो।

घटनाको खबर पाएलगत्तै दिनहटा प्रहरी चौकीको प्रहरी मृतदेह उठाउन पुगेपछि स्थानीयले मृतदेह राखेर विरोध गरेका थिए। पछि पुलिसको आश्वासनमा सडक अवरुद्ध हटाइएको थियो। पुलिसले लाशलाई पोष्टमार्टमका लागि पठाएको छ।