गान्तोक: सिटिजन एक्सन पार्टी (सिएप) सिक्किमका अध्यक्ष गेणश कुमार राईले श्री सत्य साई बाबाको जन्म जयन्तीको अवसरमा सिक्किमका जनता तथा विश्वभरिका साई अनुयायीहरूमा हार्दिक शुभकामना व्यक्त गरेका छन्।
उनले यो विशेष दिन साई बाबाको गहिरो शिक्षाहरूलाई सम्मान गर्ने र मनाउने समय रहेको बताएका छन्, जसको प्रेम, निस्वार्थता र सेवाको सन्देशले अनगिन्ती जीवनहरूलाई छोएको छ।क्याप अध्यक्ष राईले आज जारी सन्देशमा भनेका छन्, ‘साई बाबाले हामीलाई सत्य, धार्मिकता, शान्ति, प्रेम र अहिंसाका शाश्वत मूल्यहरू सिकाउनुभयो र यी सिद्धान्तहरू एक सामंजस्यपूर्ण र अर्थपूर्ण जीवनका आधार हुन् भनी हामीलाई सम्झाउनु भयो। सबैलाई माया गर, सबैको सेवा गर भन्ने उहाँको भनाइले हामीलाई जात, पं​थ र धर्मका सबै सीमाना पार गर्दै करुणा र एकताको भावनालाई अंगाल्न प्रेरित गर्छ।